عزيزي شهر نوفمبر
ازيك وازي امك السنة اللى قربت تخلص وهي بدءت اول أمبارح
دا انا لسه كاتب تدوينة الورقة الأولى من ديك النهار
يعنى اطلع بالتدوينة الثانية بتاعت الورقة الأخيرة
كل الناس بتقول عليك "سويت" نوفمبر.
بس أنا موش عارف اقولك ايه
ده حتى الشتا اللى كان بيجي في الخريف بدري مجاش
والجو ولا هو شتا ولا صيف ولا حتى خريف ولا ربيع !
مع ان كلمة ربيع دي بقت بايخه بعد الربيع العربي المسخة
اللى خلانا في خريف الأمم يعنى كنا امة تضحك من جهلها الأمم
وموش عارف رايحين على فين.
عملنا فيك عيد حب بدل عيد الحب العالمي
علشان نبقى وطنيين في عيد حب خاص بمصر.
لكن ولا جبتلنا حب والحكاية بقت كلها قهر في قهر!
وكنا عاملين عيد طفولة مع عيد الطفولة العالمي
بس بنحتفل بيه بالنار المولعة في غزة!
ودلوقتي بقينا بنحتفل بعيد ميلاد رئيس
وبرضه بنذيع فيلم صلاح الدين!
لا وكمان عاملين اغنية
يمكن علشان نفتكر اغنية كبير العيلة القديمة
ولا علشان نكتب التاريخ الذي يعيد نفسه
في تلك المنطقة من العالم
عزيزى نوفمبر الف سلامة
عليك وعلى السنة اللى راحت من عمرنا
بس لسه فيه أمل
عايشين علشانه
No comments:
Post a Comment