Thursday, May 4, 2017

خصلة شعر(يوسف محمد)


اتملى المكان بالاقارب .. وجيران واصحاب وحبايب
الكل بيهنى ويبارك .. مسحسوبكو سيد افندى
بجوازى بقمر الحتة .. بنت الشيخ حمدى
قمر اسم ومعنى .. وادب وجمال ربانى
نسمة وروح مرحة .. ودين والتزام اخلاقى
ثقافة وعلم مِالجامعة .. وست بيت زى اجدادى

مش قادر اخبى السعادة .. ولا لهفتى على مراتى
امتى بقى تخلص اليلة .. ونروح ونبتدى حياتنا
العروسة اتخرت عليا .. ال بتتزين شوية وجاية
يا عالم حسوا بيا .. وياللا على عيش الزوجية
وخليكوا كملوا الحفلة .. بس اخلص من القعدة ديا

وادى حماتى جيا عليا .. استر عليا من الست ديا
قربتلى وهمست ليا .. تعالَ معانا جوة شوية
مشيت وراها انا وحمايا .. وخبط ركبى سادد ودانى
دخلنا الصالون وقالتلى .. القايمة دى بص فيها
كل حاجة فى الشقة .. لازم تمضى عليها
بسرعة وبخوف اديتها امضة .. من غير ما أقرا اللى فيها
ابتسمت وقالتلى ايوة كدة .. يا ابنى طمنتن قلبى عليها

رجعت مكانى فى الكوشة .. و الفضا جنبى لسة
شوية وجت العروسة .. والبنات من حواليها
ابتسمت ولكن بسرعة .. راحت الفرحة ده ايه اللى فيها
خصلة شعر طالعة من حجابها .. هو استعراض ليا ولا ليها
شهور الخطوبة ما بانش شعرها .. صابر وبقول هييجى وقتها
ودلوقتى ولما جيه الوقت .. وبعد ساعة هينفض السر
تقومى تعرضيه للناس كافة .. مش فارق زوج من ابن حتة

وشى انقلب وهى سعيدة .. يظهر ده قانون حياتى الجديدة
وياعم الشيخ اخبار الحجاب ايه .. ولا الفرحة بتنسى السليم
دقيقة ولقتنى باقوم قوام .. رحت الصالون وابوها ورايا
قلتله اللى كان مجمل بنتك ادبها
لبسها الحشمة والتزامها بحجابها
لكن النهاردة دى واحدة تانية
ما تلزمنيش ولا حتى ثانية

الراجل انصدم كأنه اتنشل فى وسط المية
قاللى عيب يا ابنى وخف عليها شوية
قلتله احنا لسة على البر وبنتك اهية
وعلا الصوت واتلم الناس
وانتهت القصة بالغاء الجواز

رجعت البيت واهلى يواسونى شوية وشوية يلومونى
زعقت وقلت خلص الكلام
اهم ما فى الجواز الثقة والاحترام
قفلت عليا اوضتى غاضب وزعلان
من غش الانسان لاخيه الانسان
شوية ولقتنى بفتح الكمبيوتر واشغل فيلم
ممنوع من اللى فيه اكتر من خصلة الشعر
(يوسف محمد)
Post a Comment