Sunday, June 7, 2015

كيف تكون مثقف فى اقل من 24 ساعة ؟!

 
  • كثرت هذه الايام دعاوى الثقاقة وادعاء الثقافة واستخدام عبارات كبيرة لا تتناسب مع الاشخاص واليكم أمثلة من هذه العبارات " زخم ثقافى " ، " حالة الحراك التى يعيشها المجتمع".
  • وعليه فقد قررت أن أكتب هذه البرشامة الصغيرة التى تساعدك أن تكون مثقف بأقل جهد ممكن ودون قراءة كتب ولا عوجة لسان ، يعنى دون وجع عينين ولا اجهاد مخ وعلى رأى القاعدة الدارجة كبرالجمجمة وروق دماغك او باللغة الفرانكو اراب كبر الـجى  (G) ورق الدى (D).
  • قبل أن تزهقوا منى دى الروشتة الثقافية السريعة فى الادب الأنجليزى :
  • الرواية الشهيرة هاملت كل موضوعها الست اللى هملت فى ابنها.
  • أما عطيل فهى الست اللى عطلت جوزها.
  • وماكبث هى الست اللى كبست اخوها.
  • وطبعا فى الاساطير اليونانية بجماليون ده الراجل اللى قاعد يجمل فى التمثال.
  • وفى الأدب الفارسى شهرزاد هى الست اللى اتولدت فى الشهر اللى زايد يوم يعنى فى السنة الكبيسة أم شهريار فجيه فى شهر يناير .. بسيطة خالص ولا تحتاج وجع دماغ!
  • أما السياسة فقد حسمتها مسرحية المتزوجين بالنصايح التى بها فضيحة وترجيت هى حكاية البت اللى موش ولا بد ! وكمان الحسم الاكبر فى سياسة الوفاق انك توفق رأسين فى الحلال بالإضافة إن كلينتون جيه اسمه لما قالهم كلوا انتم.
  • شفتوا الأمور بسيطة ازاى ولا عوجة لسان ولا كلمتين انجليزى ولا أى حاجة كله فى اللذيذ فضلك بس تطول شعرك شوية وتبقى المسألة زى الفل.
  • وكل ما تحتاجه أنك تدندن اغنية المدرسة القديمة خدنا فى العلوم ازاى نعرف نعوم من مصر للفيوم فى حالة الملوخية وخدنا فى التاريخ ازاى الملك اوزوريس اتخانق مع رمسيس علشان حتة طعمية وخدنا فى الجغرافيا الشمس بتمشى حافية حول الكرة الأرضية.
  • لن اطيل عليكم اكثر بعد تلك الفخفخينا الثقافية لكن اعملكم موسوعة بهذا النمط الثقافى جدا
Post a Comment