Thursday, April 13, 2017

تصنيف انثوى

  • المصنف الانثوى ملقب فى وسط الشلة بدون جوان عصره واوانه يزعم امام اصدقائه ان كل فتاه لها مدخلها ربما من الاسم ربما من الشكل له تصنيفات عديدة تذهب اليه وتسأله قل لنا يا خبير ما رأيك فى اسماء البنات ينظر اليك بعمق اينشتين ويقول شوف يا سيدى سوف اعطيك تصنيف للبنات حسب الاسماء تسأله ازاى يقولك ملكش دعوة انا الخبير تسأله عن الاسم وهو يجيبك
  • وفاء نادرا ما تجد بنت اسمها وفاء ومتكونش جميلة.
  • هالة دايما شقية
  • عبير .. يجبيك برؤية مختلفة .. كل الاسماء اللى ليها روايح اصحبها بيبقوا زاعقين تسألوا ازاى يقولك خد التعبير وحاول تفهمه ، طيب ممكن اسأل يعنى ايه اسماء الروائح يقولك افتح القوس يا سيدى واكتب (عبير – ياسمين – اريج ..  الخ ) وصلت
  • سهير .. يقولك مبحبوش ودايما تطلع بنت صايعة !
  • هدى .. فيه صد ؟ يعنى ايه يقولك كده انطق الاسم كده حتلاقيها فيه صد فى النص!
  • تجتهد فى فهم منطقه للاشياء تقوله يعنى نفس الوزن ندى مثلا .. يقولك لأ ندى تحس انها واحدة بتندع منك يمكن تكون ميالة للبكاء !
  • ياخذك سريعا الى اسم اخر .. سماح فيه يقولك فيه سحب ! تقوله ازاى يجيب لا تعليق !
  • الاسماء التى تنتهى بمقطع "اء" تسأله زى يقولك "صفاء – هناء – " الخ تقوله طيب ما هى دى شبه وفاء يقولك لأ دى حاجة ودى حاجة .. انا الخبير وموش حقولك عليهم ، تقوله يعنى اسماء يقولك لأ اسماء مختلف لا تنظر اليه بمعنى الاسامى لكن انظر اليه بمعنى سماء مفتوحة لحبك
  • سلوى ... اسم بيلزق تسأله يعنى ايه ؟ يقول لك انطق الاسم حرك اصابعك الابهام والسبابة معا انظر الى الوزن تشعر باللزوجة !
  • ليلى . كل الحب.
  • علياء .. يقولك برضه دى موش زى صفاء وهناء ... علياء دى مع شيماء طالعين فيها !
  • نجوى دى زى لبنى.. زى نشوى كلهم غالبا بيكونوا انطوائيين
  • منى .. شوف ياسيدى فى اسماء بيكون لاصحابها نصيب من معانيها زى منى .. عفاف .. هانم
  • يعنى فعلا منى دى سوف تأتى لك بكل المنى وعفاف دى تمثل الطهارة .. هانم تحس انها دايما بنت باشا البعض منهم يتأثر باسماءهم زى مثلا اميرة. ترغب فى ان تجعل منها اميرة حقيقية.. وانت تعاملها ...
  • فدوى ... رقة
  • تغريد .. بلبل قد لا يغرد مطلقا .. ربما يكون غرابا..
  • مريم ... يجب ان تعطى للأسم رنينه الخاص .. اقرءه بدقة مثلما ورد فى القرآن . لا تنطقه مثل  ما ينطقه العامة الرنين مهم دائما .
  • منال .. لن تنال منها شيئا ..
  • رانيا .. نفس معنى اسم حنان ..
  • هدير غدير .. على نفس وزن الاسماء .. عاصفين دوما ...
  • سحر .. ربما تكون من جوف الليل او ربما تكون ساحرة
  • لا تفهم منطقه اهو من معانى الاسماء ام من تجارب حقيقيةولن تجادل فهو الخبير وليس انت !

No comments: